2018 jyly Atyraý oblysynyń 135 aýylyna gaz barady
10:27, 23 Naýryz 2018
ATYRAÝ. QazAqparat - 2018 jyly Atyraý oblysynyń 135 aýyly gazben qamtylady, dep habarlaıdy QazAqparat tilshisi.
«Byltyr Qurmanǵazy aýdanynyń Reseı Federatsııasymen shektesetin 10 aýylyna gaz qubyrlaryn tartý jumystary bastalǵan bolatyn. Atalǵan kentter men aýyldar munaı kompanııalarynyń biriniń arnaýly baǵdarlamasy aıasynda gazben qamtylyp jatyr. Jobanyń jalpy quny 10 mıllıard teńgeni quraıdy. 2018 jyly 135 eldi mekendi gazben qamtamasyz etý josparda bar», - dep málimdedi oblys ákimdiginiń baspasóz qyzmeti.
Vedomstvonyń aqparatyna súıensek, 2019 jyldyń alǵashqy jartysynda oblys turǵyndarynyń 99,2 paıyzyn gazben qamtý mindeti qoıylǵan.
Qazirgi kezde aýyldyq jerlerdiń gazben qamtylý kórsetkishi 79,3 paıyzdy quraıdy.