2018 jyly 400 myńǵa jýyq sábı dúnıege keldi

NUR-SULTAN. QazAqparat - 2018 jyly Qazaqstannyń azamattardyń hal aktilerin tirkeý organdarynda dúnıege kelgen 397 799 sábı tirkeldi. Bul jaıynda QR UEM Statıstıka komıtetinen málim etti, dep habarlaıdy QazAqparat tilshisi.

Vedomstvo aqparatyna sáıkes,  sábılerdiń 235 014-i  qalalyq, al 162 785-i aýyldyq jerde jaryq dúnıege kelgen. Sábılerdiń  51,6 paıyzy (205 224) er bala jáne 48,4 paıyzy (192 575) qyz bala.  Týǵan kezdegi jynystardyń ara qatynasy 100 qyz balaǵa shaqqanda 107 er balany qurady. 2008 jylmen salystyrǵanda týǵandar sany 11,6 paıyzǵa (er balalar - 12%, qyz balalar - 11,1%), qalalyq mekenderde - 19,4, aýyldyq  mekenderde  1,9 paıyzǵa artty.

«Qazaqstan óńirleriniń ishinde týýdyń eń joǵary deńgeıi Mańǵystaý oblysynda (1000 turǵynǵa shaqqanda 29,72), Nur-Sultan qalasynda (27,67) jáne Shymkent qalasynda (27,53) baıqaldy. Eń tómengi kórsetkish Soltústik Qazaqstan (12,93), Qostanaı (13,30)  jáne Pavlodar (15,72)  oblystarynda tirkeldi. 2018 jyly áıelderdiń bala týý kezindegi ortasha jasy 28,7 jasty (2008 jyly - 28,1), qalalyq jerlerde - 29 (2008 jyly - 27,8), aýyldyq mekenderde - 28,3 (2008 jyly - 28,4) jasty qurady», - delingen taratylǵan aqparatta.

Qazaqstannyń kópshilik óńirlerinde bala týý kezindegi áıelderdiń ortasha jasy ortasha respýblıkalyq deńgeıden joǵary bolǵan. Ol Almaty qalasynda 29,8 jasty, Nur-Sultan qalasynda 29,6 jasty quraǵan.