2018 jylǵa deıin Astanada jeke turǵyn úı qurylysyna jer berý josparda joq

ASTANA. QazAqparat - Elordada jeke turǵyn úı qurylysyna jer telimin alýǵa 113 myń adam tirkeldi. Bul týraly «QazAqparat» agenttiginiń resmı saýalyna Astana qalasy Jer qatynastary jáne jerdiń paıdalanylýy men qorǵalýyn baqylaý basqarmasynan habarlandy.

«Qazirgi ýaqytta Astana qalasynyń aýmaǵynda jeke turǵyn úı qurylysyna jer berý úshin qajetti ınjenerlik kommýnıkatsııalarmen qamtamasyz etilgen daıyn alańdar joq jáne 2018 jylǵa deıin atalǵan aýmaqta jer berý josparlanbaǵan», - dep atap ótilgen basqarma málimetinde.

Atap aıtqanda, aǵymdaǵy jylǵy 27 qyrkúıektegi jaǵdaı boıynsha jeke turǵyn úı qurylysy úshin jer ýchaskelerin berý jónindegi arnaıy esepke Astanada 113 000 adam tirkeldi.

«Qazirgi tańda «Nurly jer» baǵdarlamasy bekitilmegendigin jáne baǵdarlama ázirleý barysynda ekendigin atap ketý qajet», - deıdi mekeme ókilderi.

Esterińizge sala keteıik, bıylǵy qyrkúıek aıynda Ulttyq ekonomıka mınıstri Qýandyq Bıshimbaev QR Parlamenti Májilisindegi Úkimet saǵatynda «Nurly jer» baǵdarlamasyn basym qyrlaryn ashyp aıtqan bolatyn. Onyń sózine qaraǵanda, aldaǵy eki jylda elimiz boıynsha qarapaıym azamattardyń jeke úı salýyna qajetti 100 myń jer ýchaskesi bólinedi.