2018 jylǵa deıin 430 myń qazaqstandyq gazben qamtylady - V. Shkolnık

ASTANA. QazAqparat - 2018 jylǵa deıin 430 myńnan astam qazaqstandyq gazben qamtylady. Bul týraly búgin OKQ brıfıngisinde QR Energetıka mınıstri Vladımır Shkolnık málim etti.

«Qazirgi ýaqytta 14 aımaqtyń - 10-y gazben qamtamasyz etilgen. ıAǵnı halyqtyń 42 paıyzy gaz ıgiligin kórip otyr», - dedi V.Shkolnık.

Mınıstr qazirgi ýaqytta vedomstvo «Qaztransgaz» kompanııasymen birge eldi gazdandyrý boıynsha máseleni sheship jatqandyǵyn atap ótti.

«Bıýdjetten gazdandyrý jumystaryna 10 mlrd teńge bólindi jáne bizdiń ulttyq kompanııa OQO, Almaty, Jambyl, Mańǵystaý jáne Qyzylorda oblystaryndaǵy júıelerdi jańǵyrtýǵa qosymsha 93 mlrd teńge ınvestıtsııa bólip otyr», - dep naqtylady V. Shkolnık.

Energetıka mınıstriniń habarlaýynsha, 2016-2018 jyldary bıýdjetten 66 eldimekendi gazdandyrýǵa qarajattar qarastyrylyp otyr.

«Ol eń birinshi kezekte Aqtóbe, BQO, OQO, Qostanaı oblystaryndaǵy eldimekender. Shamamen 160 myń adam gazben qamtylady. Onyń ústine Ulttyq kompanııa esebinen 2018 jyly taǵy 270 myń adam kógildir otynǵa qol jetkizetin bolady», - dep túıdi V. Shkolnık.