2018-2019 jyldary Qazaqstanda 3 myń vagon shyǵarylady - QR IDM

ASTANA. QazAqparat - QR Investıtsııalar jáne damý mınıstri Jeńis Qasymbek temirjol jáne aýyl sharýashylyǵy salasynda mashına jasaý deńgeıi týraly aıtyp berdi, dep habarlaıdy QazAqparat.

«Temirjol salasynda mashına jasaýǵa toqtalsaq, bıylǵy 8 aıda 1 myńnan astam júk vagondary óndirildi. Bul kórsetkish 2017 jylǵy sáıkes kezeńmen salystyrǵanda 37,2 paıyzǵa artyq», - dep toqtaldy Jeńis Qasymbek Astanada Qazaqstan mashına jasaýshylarynyń VI Forýmynda.

Onyń sózine qaraǵanda, óndiristegi ósim memlekettik qoldaý esebinen múmkin boldy.

«2017 jyly QDB-Lızıng 80-fýttyq platformalardy óndirýge 50 mlrd teńge bóldi. 2018-2019 jyldary 3 000 vagon shyǵarý josparlanyp otyr», - dedi mınıstr.

Budan bólek ol aýyl sharýashylyǵy mashınasyn jasaý salasyna toqtaldy.

«2018 jyldyń 6 aıynda aýyl sharýashylyǵy tehnıkasy sektorynyń óndiris kólemi 12 mlrd teńgeni qurady. Bul kórsetkish ótken jyldyń sáıkes kezeńimen salystyrǵanda 33,8 paıyzǵa ulǵaıǵan. Óndiris kóleminiń ósýi «Agromashholdıng» AQ, «Vektor» kombaın zaýyty» JShS, «Qazaqstandyq agroınnovatsııalyq korporatsııa» JShS-de baıqalady. Memleket salany qoldaýdyń birqatar sharalaryn qabyldaýda. Atap aıtqanda, bıyl bıýdjetten kombaındar men traktorlardyń jeńildetilgen lızıngine qarajat bólindi (3 mlrd teńge kóleminde). Mınıstrlik kelesi jyly qosymsha 3 mlrd teńgeni bólý sharalaryn bólýdi pysyqtaýda», - dedi Jeńis Qasymbek.