2017 jyly «Jibek joly» halyqaralyq rallı Qazaqstan arqyly ótetin bolady

ASTANA. QazAqparat - Búgin QR Mádenıet jáne sport mınıstri Arystanbek Muhamedıuly «Jibek joly» halyqaralyq rallı-marafony uıymdastyrýshylarymen kezdesti, dep habarlaıdy mınıstrliktiń baspasóz qyzmeti.

Kezdesý barysynda sóz alǵan Arystanbek Muhamedıuly «Jibek joly» halyqaralyq rallı ujymynyń ákimshilik dırektory Vıacheslav Anatolevıch Grohotov, Rallıdiń Qazaqstandaǵy resmı ókili jáne seriktesi «Qazaqstan sport tehnologııalary» kompanııasyna aýqymdy jobany uıymdastyrǵany úshin alǵys bildirdi.

«Bul Reseı, Qazaqstan jáne Qytaı arasyndaǵy birinshi aýqymdy, ári sátti aktsııa. Búgingi tańda Uly Jibek joly arqyly marafon - sporttyq realıı bolyp tabylady», - dedi mınıstr.

Kezdesý barysynda «Jibek joly» halyqaralyq rallı sharasyn 2017 jyly ótkizý máseleleri talqylandy. Halyqaralyq avtomobıl federatsııasynyń sporttyq is-sharalar kúntizbesine sáıkes, jańa «Jibek joly» rallıdiń qazaqstandyq kezeńi 2017 jylǵy 7-23 shilde aralyǵynda Máskeý-Astana-Beıjiń baǵyty boıynsha ótkizý josparlanyp otyr.

2017 jyly rallıdiń QR aýmaǵyndaǵy baǵyty Qostanaı, Aqmola, Qaraǵandy, Pavlodar, Shyǵys Qazaqstan oblystary men Astana qalasy arqyly ótedi.

«Biz Qazaqstanǵa kelýge árqashan qýanyshtymyz. Biz úshin eń qonaqjaı el. Biz, «Jibek joly» rallıiniń uıymdastyrýshylary retinde «Qazaqstan sport tehnologııalary» seriktesimizben birge ótken rallıdi joǵary deńgeıde ótkizdik. Sizderdiń kómegińiz úshin alǵysymyzdy bildiremiz. Barlyq qatysýshylar rıza boldy...», - dedi V. Grohotov.

Eske salaıyq, 2016 jylǵy 11-16 shilde aralyǵynda Qazaqstan aýmaǵynda Máskeý-Astana-Beıjiń baǵyty boıynsha «Jibek joly» halyqaralyq rallı-marafony ótti. Marafonǵa 40-tan astam el qatysty. Marafonnyń Qazaqstandaǵy baǵyty Qostanaı, Aqmola, Qaraǵandy, Jambyl jáne Almaty oblystary, sondaı-aq Astana jáne Almaty qalalarynyń aýmaqtary arqyly ótti. 837 qatysýshy 452 avtomobılde 4500 jýyq shaqyrymdy ótti. (15 kezeńiniń 4 kezeńi). Jalpy qashyqtyǵy 10 774 shaqyrymnan turady. Atalǵan is-sharany álemniń 126 akredıttelgen jýrnalısi baqylady.

Marafonnyń jalpy esebiniń qorytyndysy boıynsha bizdiń otandastarymyzdyń oryndary: «AstanaMotorsports» komandasyndaǵy Aıdyn Rahymbaev  - 5 oryn, «AstanaMotorsports» komandasyndaǵy Denıs Berezovskıı men Ignat Falkov - 18 oryn, «Offroad KZ» komandasyndaǵy Marat Abykaeva  pen Andreı Chıpenko - 25 oryn, MobilExRacing komandasyndaǵy ıÝrıı Sazonov - 35 oryn.

Júk kólikter tobynda «AstanaMotorsports» komandasyndaǵy Artýr Ardavıchýs 13-shi bolyp keldi.