2017 jyly otandyq ınternet BAQ-tyń mobıldik nusqalary iske qosylady
«Mınıstrlik «Qazkontent» AQ-men birlese otyryp, 2016-2020 jyldarǵa otandyq BAQ-tar men olrdyń ınternet-resýrstaryn modernızatsııalaý josparyn júzege asyrýda. «Qazkontenttiń» árbir ınternet-jobasy jańa formatta jumys isteýde. Qazan aıynda e-history.kz saıty biregeı tarıhı kontentimen jáne jańa ınteraktıvti múmkindikterimen aýqymdy «National Digital History» portalyna ózgerdi. Saıttyń jańa dızaıny, logotıpi daıarlanyp, jańalyqtardy berý baǵyty aıtarlyqtaı jaqsardy»,-dedi D. Abaev.
«Ádebıet portaly» baǵytynda tıisti sharalar atqarylyp jatqanyna toqtalǵan mınıstr, onyń mobıldik qosymshasyn iske qosý eskerilip otyrǵandyǵyn, onyń kómegimen shyǵarmalardy oqý men kitaptardy tyńdaý qolaıly bolatynyn atap ótti. Portalda ádebı baıqaýlar, jas jazýshylarmen, aqyndarmen kezdesýler uıymdastyrylyp, ádebı keshter ótkiziletinin jetkizdi.