2017 jyly Nıý-Iorkte terakt jasaǵan Saıfýllo Saıpov ómir boıyna sottaldy

ASTANA. QazAqparat - 2017 jyly Nıý-Iorkte segiz adamnyń ómirin qıǵan lańkestik áreketti jasaǵan Ózbekstan týmasy Saıfýllo Saıpov AQSh-ta shartty túrde merziminen buryn bosatý quqyǵynsyz ómir boıyna bas bostandyǵynan aıyryldy. Bul týraly QazAqparat VVS-ge silteme jasap habarlaıdy.

Sottalýshy 2010 jyly AQSh-qa kóship kelgen. 2017 jyldyń 31 qazanynda ol shaǵyn júk kóligin jalǵa alyp, onymen velosıped jolyna shyǵyp adamdardy qaqqan edi.

Qaıtys bolǵan segiz adamnyń arasynda Argentınadan kelgen bes adam bar, taǵy 12 adam jaraqat aldy. Polıtseıler Saıpovty ishine oq atyp ustady.

Saıpov «Islam memleketi» jıhadtyq tobynyń atynan áreket etkenin málimdedi.

Ol qańtarda birneshe kisi óltirý jáne terrorızm aıyby boıynsha sottalǵan.

Onyń soty Djo Baıdenniń prezıdenttigi kezindegi birinshi federaldy sot protsesi boldy, onda prokýrorlar sottalýshyny ólim jazasyna kesýdi talap etti.

Alqabıler Saıpovty kináli dep tapty, biraq ony ólim jazasyna kesý úshin Nıý-Iork zańy búkil 12 alqabıdiń biraýyzdan sheshim shyǵarýyn talap etedi, biraq ondaı sheshim shyqpady.

Saıfýllo Saıpov qalǵan ómirin Kolorado shtatyndaǵy ADX Florence federaldy túrmesinde ótkizedi.

Bul túrmede 2013 jylǵy sáýirde Boston marafonynyń máre syzyǵynda jarylys uıymdastyrǵany úshin ólim jazasyna kesilgen Djohar Tsarnaev otyr.