2017 jyly Qytaı munaı ımporty boıynsha AQSh-tan asyp túsýi múmkin
18:23, 30 Qazan 2016
ASTANA. QazAqparat - Reseı Ekonomıkalyq damý mınıstrliginiń 2017-2019 jyldarǵa arnalǵan boljamyna sáıkes, Qytaı 2017 jyly munaı ımportynyń kólemi boıynsha AQSh-tan asyp túsýi múmkin, dep habarlaıdy QazAqparat Reseı jańalyqtar agenttigine silteme jasap.
Qańtar men qyrkúıek aılary aralyǵynda Qytaıda shıki munaı ımporty ótken jyldyń sáıkes merzimimen salystyrǵanda 14% artty. QHR bas kedendik basqarmasynyń málimetteri muny rastap otyr. Oǵan sáıkes, Qytaı aǵymdaǵy jyldyń basynan 283,51 mln. tonna, al 2015 jyldyń osy kezeńinde 248,62 mln. tonna shıki munaı ımporttaǵan.
Qyrkúıek aıynda Reseı, Angola men Irak Qytaıǵa munaı jetkizýshilerdiń ishinde úzdik úshtikke engeni aıtyldy. Osyǵan deıin Ekonomıkalyq damý mınıstrligi Qytaı ІJÓ ósiminiń báseńdýi qarjy júıeleri úshin qaýipti ekendigin atap ótken bolatyn.