2017 jyly Qazaqstanda ımporttalatyn kókónister 22,2% arzandady

ASTANA. QazAqparat - Qazaqstanda eksporttalǵan taýarlardyń baǵasy 2017 jylǵy jeltoqsanda 2016 jyldyń jeltoqsanymen salystyrǵanda 21,2%, ımport taýarlary 6,8% kóterildi, dep habarlaıdy QazAqparat QR Ulttyq ekonomıka mınıstrliginiń Statıstıka komıtetine silteme jasap.

Esepti kezeńde eksporttalǵan temir qorytpalary - 44,2%, myrysh - 26,5%, mys - 21%, kómir - 16%, munaı - 29,5%, qorǵasyn - 9,4% qymbattap, marganets rýdalary 19,5% arzandaǵan.

Aýyl sharýashylyǵy ónimderinen: maqta 7,5% qymbattap, bıdaı - 6,7%, jún - 6,6% arzandady.

Importtalǵan ónimderden spırtti jáne spırtsiz ishimdikter - 14,6%, sút ónimderi - 11%, makaron ónimderi - 7,3%, shaı jáne qus eti - 4,7%, dárilik quraldar - 3,5% qymbattap, kókónis - 22,2%, jemis-jıdek pen jańǵaqtar - 2% arzandady.

Qaǵaz baǵasy 13,3%, tekstıl ónimderi 7,6%, aıaqkıim, 9% kóterildi.