2017 jyly Qazaqstanda eksporttyq jáne ımporttyq operatsııalardyń biryńǵaı terezesi jumys isteıdi
"Kedendik tazalaý barysynda ruqsat qujattary men lıtsenzııalar tabystaýy qajet. Syrtqy ekonomıkalyq qyzmettiń qatysýshylary árbir kedendik tazalaý kezinde olardyń qolynda ruqsat qaǵazdary men lıtsenzııalary baryn dáleldeıdi jáne ony kedendik rásim kezinde usynýy tıis. Jaqynda onyń barlyǵy ózgeredi. Bul tapsyrmany bizge Ult Josparynda Memleket basshysy tapsyrdy", - dedi J.Shaımov.
Onyń sózine qaraǵanda, Ult Josparynyń 38-qadamy boıynsha, eksporttyq jáne ımporttyq operatsııalardy atqarý úshin biryńǵaı tereze ashý qarastyrylǵan.
Biryńǵaı tereze - barlyq qadaǵalaýshy organdar qarym-qatynasynyń ortaq júıesi. Onda "E-Lıtsenzııalaý" derekter bazasy negizinde berilgen barlyq qujattar men lıtsenzııalar yqpaldastyrylǵan.
Ol "elektrondy úkimet" tólem shlıýzimen, Aýyl sharýashylyǵy mınıstrliginiń "biryńǵaı avtomattandyrylǵan júıesimen, Densaýlyq saqtaý jáne áleýmettik damý mınıstrliginiń "dári-dármekpen qamtý" biryńǵaı júıesimen, ІІM-niń aqparattyq júıelerimen uıymdastyrýshylyq-texnıkalyq baılanysta bolady.
J.Shaımovtyń xabarlaǵanyndaı, atalǵan biryńǵaı tereze 2017 jyly iske qosylmaq jáne kedendik rásimniń ýaqytyn edáýir qysqartýǵa septigin tıgizedi dep josparlanýda.