2017 jyly Qazaqstan munaı óndirýdi 86 mln. tonnaǵa deıin arttyrady

ASTANA. QazAqparat - 2017 jyly Qazaqstan 86 mln. tonna munaı óndiredi. Bul týraly búgin Ortalyq kommýnıkatsııalar qyzmetindegi brıfıngte QR Energetıka mınıstriniń birinshi orynbasary Uzaqbaı Qarabalın málim etti.

«Esepti kezeńde Qazaqstanda munaı óndirý qarqyny tómendeýine qaramastan, aldaǵy jyldary óndirý deńgeıi artatyn bolady. 2017 jyly munaı óndirýdi 86 mln. tonnaǵa deıin, 2020 jyly - 104 mln. tonnaǵa deıin arttyrýdy josparlaýdamyz», - dedi ol. U. Qarabalın munaı óndirý kóleminiń artýyn Teńiz ken ornynda óndiristiń keńeıýimen jáne Qashaǵan ken ornynda munaı óndirýdiń jandanýymen baılanystyryp otyr. Budan buryn Energetıka mınıstri Vladımır Shkolnık 2015 jyly 80,5 mln. tonna deńgeıinde munaı óndirý josparlanǵanyn aıtqan edi. 2014 jyly munaı men kondensatty óndirý 80,8 mln. tonnany quraǵan bolatyn nemese 2013 jylǵy deńgeıge 90,8 paıyz.