2017 jyly Qazaqstan 72,9 mln tonna munaı óndirgen

ASTANA. QazAqparat - 2017 jyldyń qańtar-jeltoqsan aılarynda Qazaqstandaǵy munaı óndirisiniń kólemi 72,932 mln tonnany qurady. Bul kórsetkish 2016 jylmen salystyrǵanda 11,2%-ǵa kóbirek, dep habarlaıdy QazAqparat QR Ulttyq ekonomıka mınıstrligi Statıstıka komıtetine silteme jasap.

Eseptik kezeńde 13,269 mln tonna gaz kondensaty (ótken jylǵa qaraǵanda óndiris kólemi 6,5%-ǵa ósken), tabıǵı gaz - 52,934 mlrd kýb. m (+14,1%), kómir - 111,117 mln tonna (+7,8%), temir rýdasy - 39,085 mln tonna (+9,2%), mys keni - 95,343 mln tonna (+21,5%), altyndy ken - 19,725 mln tonna (+6,1%) jáne hrom kontsentratynyń óndirilgen kólemi - 4,579 mln tonnany (+10,4%) qurady.