2017 jyly eńbekaqyny tóleýdiń jańa júıesi engizilmek
Bul týraly búgin TMD elderiniń sybaılas jemqorlyqqa qarsy kúres memleketaralyq keńesiniń otyrysynda QR Memlekettik qyzmet isteri jáne cybaılas jemqorlyqqa qarsy kúres agenttiginiń tóraǵasy Qaırat Qojamjarov málim etti.
«Memlekettik basqarý júıesin jetildire otyryp, biz ony shaǵyn jáne transparentti etip jasamaqpyz. Biz saıası deńgeılerdiń barlyq satylarynda tek qoǵam múddesine qyzmet etetin ákimshilik-memlekettik qyzmetti qurýdy josparlap otyrmyz. «Memlekettik qyzmet týraly» jańa zańda biz kadrlardy irikteý, jyljytý jáne baǵalaýdyń ashyq protsedýralaryn qarastyrdyq. Biz kelesi jyldan bastap, komandalyq kóship-qonýǵa shekteý qoıatyn mansaptyq modelge ótemiz. 2017 jyly eńbekaqyny tóleýdiń jańa júıesi engizilmek. Ol qyzmetkerdiń jasaǵan jumysynyń aýyrlyǵyn, nátıjeliligin, mańyzdylyǵyn eskeretin bolady», - dedi ol.
Aıta keteıik, Elbasy N.Nazarbaev 5 ınstıtýtsıonaldy reformasynda elde memlekettik qyzmet júıesin, onyń ishinde qyzmetkerlerdiń eńbegin ádil baǵalap, atqarǵan jumysyna sáıkes eńbekaqy tóleýdiń jańa jalaqy júıesin engizýdi tapsyrǵan bolatyn.