2017 jyly EAEO elderiniń ІJÓ ósimi 2%-ti quraıdy

MÁSKEÝ. QazAqparat - EAEO ekonomıkalyq ósý jolyna tústi. Bul jaıly Eýrazııalyq ekonomıkalyq komıssııadaǵy Ashyq esikter kúninde komıssııanyń Integratsııanyń basty baǵyttary jáne makroekonomıka jónindegi alqasynyń múshesi (mınıstr) Tatıana Valovaıa málimdedi, dep habarlaıdy «QazAqparat» HAA-nyń menshikti tilshisi.

Onyń esepteýlerine qaraǵanda, bıyl EAEO elderiniń ІJÓ ósimi 2% tóńireginde bolady.

«Bıyl makroekonomıkalyq turaqtylyq turǵysynan qaraǵanda jaǵdaı jaman emes. Ulttyq valıýtalardy paıdalanýdy keńeıtý boıynsha zertteý ázirledik. Bul makroekonomıkalyq turaqtylyq pen saýda-ekonomıkalyq baılanystardyń jandanýynyń arqasynda ózara eseptesýlerde ulttyq valıýtalardyń úlesi artyp kele jatqanyn kórsetti», - deıdi T. Valovaıa.

Mınıstr 2017 jyl EAEO elderi úshin ekonomıkalyq jaǵynan aıtarlyqtaı utymdy bolǵanyn tilge tıek etti. «Qazir osy ıntegratsııalyq jobany odan ári tereńdetýge qajetti jaǵdaılar barshylyq. Ekonomıkada unamdy perspektıvalar jetkilikti deýge tolyq negiz bar», - dedi ol.