2017 jyly EAEO elderimen Qazaqstannyń saýda aınalymy 25,9%-ǵa artqan

ASTANA. QazAqparat - Aldyn ala derek boıynsha, Qazaqstannyń Eýrazııalyq ekonomıkalyq odaq (EAEO) elderimen jasaǵan ózara saýda kólemi 2017 jyldyń qańtar-jeltoqsan aralyǵynda 17 359,6 mln dollardy quraǵan. Bul 2016 jylǵy kórsetkishpen salystyrǵanda 25,9%-ǵa artyq, dep habarlaıdy «QazAqparat» HAA QR Ulttyq ekonomıka mınıstrligi Statıstıka komıtetine silteme jasap. 

EAEO elderimen eksport kólemi eseptik kezeńde 5118,3 mln dollardy quraǵan (byltyrǵydan 30,2%-ǵa joǵary), ımport kólemi - 12 241,3 mln dollar (+24,1%) boldy. Qazaqstan Respýblıkasynyń EAEO elderimen syrtqy saýda aınalymy jalpy kóleminde Reseı Federatsııasyna - 92,1%, Qyrǵyzstan Respýblıkasyna - 4,4%, Belarýs Respýblıkasyna - 3,5% keledi.