2017 jyly Astana álemniń «aqyldy» 50 qalasy qatarynan oryn almaq

ASTANA. QazAqparat - 2017 jyly Astana álemniń «aqyldy» 50 qalasy qatarynan oryn alýǵa nıetti. Bul týraly búgin «Astana ınvest-2014» 5-shi halyqaralyq ınvestıtsııalyq forýmnyń ashylýynda elorda ákimi Imanǵalı Tasmaǵambetov aıtty.

Onyń atap ótýinshe, eki aptadan keıin elordada qaýipsiz qala ilki jobasy iske qosylatyn bolady.

«Qazirdiń ózinde bizde bul júıe ilki nusqada jumys istep tur. Bul júıe qaladaǵy kólik aǵynyn retteýge múmkindik beretin bolady», - dedi qala basshysy.

I.Tasmaǵambetovtiń sózine qaraǵanda, qaladaǵy kólik ınfraqurylymyn jańǵyrtý, halyqtyń qaýipsizdik deńgeıin arttyrý boıynsha jobalardy júzege asyrý qolǵa alynǵan.

«Biz ekologııasy taza, ómir sapasy standarttary joǵary túbegeıli jańa ınnovatsııaly qala qurý maqsatyn alǵa qoıyp otyrmyz», - dedi ol.