2017 jyly Altynkól stantsııasy arqyly 1,5 mln tonna júk ótti

TALDYQORǴAN. QazAqparat - 2017 jyly Almaty oblysyndaǵy Altynkól stantsııasy arqyly 1,5 mln tonna júk ótti. Qytaıdan kelgen júk poıyzy 4 saǵatqa jýyq ýaqytta qabyldanyp, barlyq qujattary rásimdeledi. Degenmen keden qyzmetinde áli de qaǵazbastylyq kóp, dep habarlaıdy QazAqparat tilshisi.

Qazaqstan-Qytaı shekarasyna issaparmen barǵan QR Premer-mınıstriniń orynbasary Asqar Jumaǵalıev júk qozǵalysynyń kedergisiz ótýi úshin tsıfrlyq júıege kóshýdi jedeldetý qajettiligin aıtty. Bul másele Elbasynyń bıylǵy Joldaýynda da atap ótilgen bolatyn. Vıtse-premer sondaı-aq Qorǵas halyqaralyq shekaramańy yntymaqtastyq ortalyǵynda bolyp, birqatar kemshilikterdi túzetýdi tapsyrdy. Máselen ortalyqtaǵy adam tasymaldaıtyn avtobýstar kóbine olardyń júkterin tasıdy. Asqar Jumaǵalıev sala mamandaryna olqylyqty jyldam joıyp, oń sheshimin tabýdy mindettedi.

«Avtobýstar boıynsha bul burynnan kele jatqan másele. Ortalyqtan ótetin halyq júkti shamadan tys asyryp jiberedi. Bul ózge týrısterge qolaısyzdyq týǵyzady. Biz memlekettik kirister komıtetimen aqyldasa otyryp bul máseleni kóktemge deıin sheshýge tyrysamyz», - dedi «Qorǵas» HShYO prezıdenti Qaharman Jazın.

Esterińizge sala keteıik, búgin QR Premer-Mınıstriniń orynbasary Asqar Jumaǵalıev Almaty oblysyna jumys saparymen keldi.