2017 jylǵy JOO-lardyń úzdik túlekteri Samuryq Qazynada taǵylymdamadan ótedi

ASTANA. QazAqparat - «Samuryq-Qazyna» qory ulttyq kompanııalarda oqytý jáne uzaqmerzimdi aqy tólenetin taǵylymdamadan ótý úshin JOO-dan 20 túlek irikteıdi. Bul týraly Astanada aqparat sessııasynda «Samuryq-Qazyna» AQ-nyń adam resýrstary jáne kommýnıkatsııa boıynsha basqarýshy dırektory Ulan Tájibaev habarlady.

Olardy irikteý 2017 jyly sáýirde bastalǵan «Jas órken» ekijyldyq baǵdarlamasy aıasynda ótedi. Bul qordyń daryndy jastardy tartý, irikteý, taǵylymdamadan ótkizý, oqytý, damytý boıynsha bastamasy.

«Baǵdarlama qordyń Qazaqstanyń barlyq JOO-lary  túlekteriniń ishinen 20 túlekti, QR azamattaryn irikteýdi qarastyrady. Sosyn eki jyl ishinde óz kompanııalarynda bilim alady, taǵylymdamadan ótedi. Talap - olar QR azamaty, bıylǵy túlek bolýy tıis. Negizgi talap - jastardyń áleýetiniń joǵary bolýy. Olardyń kóshbasshylyq, taldaý-oılaý júıesi myqty damyǵany, aldyna úlken jospar qoıyp, bilim alýǵa qabiletti bolýy talap etiledi», - dedi «Samuryq-Qazyna» korporatıvtik ýnıversıtettiń dırektory Gúlmıra Raısova.

Іrikteýdiń tórt kezeńi kózdelgen, birinshisi - www.skcu.kz/zhasorken  saıtyna ótinim berý, ol 2017 jylǵy 1 shildege deıin sozylady. Baıqaý Qazaqstannyń barlyq JOO-lary, barlyq mamandyqty qamtıdy.

Otandyq JOO-lar jıyrma úzdik túlegine qor «Samuryq-Qazyna» korporatıvtik ýnıversıtetinde, Máskeýdegi Deloitte bilim berý ortalyǵynda oqýdy usynady. Odan ári jas mamandar eldiń jetekshi ulttyq kompanııalarynan taǵylymdamadan ótýge jiberiledi.

Qorda habarlaǵandaı, oqytý baǵdarlamasynyń uzaqtyǵy 5 apta, taǵylymdama - 20 aı («Samuryq-Qazyna» kompanııa tobynyń tórt túrli kásiporyndarynda 5 aıdan). Barlyq kezeńde taǵylymdamadan ótýshilerge stıpendııa, taǵylymdamadan ótý ornyna aqy tólenedi, turatyn ornynyń shyǵysy óteledi.

«Jobanyń basty ereksheligi - bul stýdentterge mansap jolynda kómek berip qoımaıdy. Osy jastardy tańdap, eki jyl ishinde oqytyp, olardyń mansabynda ósýin qadaǵalaımyz, olar  barlyq ýaqytta damýy tıis. Nátıjesinde, 15-20 jyldan soń kompanııany basqaratyn top-menedjerlerge aınalady», - dedi ol.

Óz kezeginde, qor departamenti dástúrli salalardy tsıfrlaý boıynsha joba ázirleýde. «Qazir biz «Samuryq-Energo» nysandarynyń birinde pılottyq jobany pysyqtap jatyrmyz. Oǵan «Ónerkásip 4.0» engizip, osy nysannyń tıimdiligin arttyrǵymyz keledi», - dep atap ótti Bastama izdeý departamentiniń dırektory Janbolat Kákishev.

Qorǵa jańa kadrlyq saıasat transformatsııa baǵdarlamasy aıasynda engizildi. Nátıjesinde qordyń kadrlyq quramy 40 paıyzǵa jańartyldy.