2017 jylǵy Qazaqstan ekonomıkasynyń boljamdy ósimi jarııa etildi

ASTANA. QazAqparat - 2017 jyly el ekonomıkasynyń ósimi 2,5 paıyz deńgeıinde bolady dep josparlanýda. Bul týraly «2017-2019 jyldarǵa arnalǵan respýblıkalyq bıýdjet týraly» zańdy tanystyrý kezinde QR Ulttyq ekonomıka mınıstri Tımýr Súleımenov málim etti, dep habarlaıdy QazAqparat.

«JІÓ ósimi 2017 jyly 2,5 paıyz bolady dep boljap otyrmyz. Munaı baǵasynyń ósimi kóterilýi men 2016 jylǵy qaıta esepteýler negizinde osyndaı boljamǵa keldik. Sebebi 2016 jyly biz ony birshama az deńgeıde bolady dep boljaǵan edik. Qazir statıstıkany sanaýdy aıaǵyna deıin jetkizip, munaı men metall baǵasynyń ósimin kórip otyryp, bul bizge ósim beredi dep josparlap otyrmyz», - dedi ol.

Aıta keteıik, bunyń aldynda UEM bul ósim 1,9 paıyz kóleminde bolady dep boljaǵan edi.