2017 jyldyń 1 qańtarynan kólikterge «SOS» júıesi ornatyla bastaıdy

ASTANA. QazAqparat - Búgin Astanadaǵy Ulttyq ǵarysh ortalyǵynda Apattar men zilzalalar barysynda jedel shaqyrý júıesiniń jumysy (AZJShJ/EVAK) tanystyryldy, dep habarlaıdy «QazAqparat» HAA tilshisi.

AZJShJ tıimdiligin baǵalaýǵa Qazaqstan Respýblıkasy Investıtsııalar jáne damý mınıstriniń birinshi orynbasary Albert Raý, «QazInst» RMK bas dırektory Haırat Káribjanov, sondaı-aq QR Qorǵanys jáne aeroǵarysh ónerkásibi mınıstrliginiń, QR ІІM TJ komıtetiniń, respýblıkalyq Sanıtarlyq avıatsııa jáne basqa da vedomstvo ókilderi keldi.

Kórsetilim úshin úsh avtokólik paıdalanyldy: biri Astana qalasynda, ekinshisi Almaty qalasynda jáne úshinshisi Astana-Almaty tas jolynda ornalasty. Olardyń barlyǵyna Qazaqstanda jáne Reseıde jasap shyǵarylǵan shuǵyl qyzmetterdi shaqyrý qurylǵylary ornatyldy.

 

Jedel shaqyrý «SOS» tetigin basý arqyly júzege asyryldy. Shaqyrýdy AZJSh (112 Biryńǵaı dıspetcherlik qyzmetiniń balamasy) júıesin paıdalanýdyń bekitilgen erejelerine sáıkes, AZJShJ operatory qabyldady. Apattyń orny men tolyq málimetter operatordyń elektrondyq kartasynda paıda boldy. Jol-kólik apaty týraly kartochka júrgizýshiden daýys kanaly arqyly alynǵan aqparat negizinde toltyryldy.

Talqylaý nátıjesinde AZJSh júıesin 2017 jyldyń 1 qańtarynan bastap tájirıbelik qoldanysqa engizý usynyldy.

 

«Bir jyl ishinde túıitkilder sheshiletin bolady, sonyń ishinde reseılik GLONAS-pen jáne eýropalyq júıemen sáıkestendirý máseleleri. Osylaısha, QR, RF jáne Eýropalyq odaq aýmaǵyndaǵy jol apattary kezinde shaqyrý álemdegi biryńǵaı dıspetcherlik qyzmeti - 112-ge  túsetin bolady», - dep jazdy sharadan keıin Albert Raý Facebook paraqshasynda.