2017 jyldan bastap bazalyq mólsherlemeni tómendete bastadyq - Danııar Aqyshev

ALMATY. QazAqparat - QR Ulttyq bankini basshysy Danııar Aqyshev Almatyda ótip jatqan onlaın-konferentsııa barysynda bazalyq stavka týraly aıtty, dep habarlaıdy QazAqparat tilshisi.

«Bazalyq stavka aqsha naryǵynda jumys istep kele jatqan barlyq stavkanyń baǵdary bolyp tabylady. Bekitilgen baǵam aıasynda aqsha aǵymy qaıta qarjylandyrý salasynan alshaq bolatyn, sol sebepti Ulttyq bank esh shara júrgizgen joq. Qazir bazalyq stavkany ózgertý arqyly biz bank tabystylyǵyna yqpal ete alamyz. Olardy Ulttyq bankke nemese ekonomıkaǵa salýǵa ıtermeleımiz», - dedi Aqyshev.

Onyń aıtýynsha, 2015 jyly bazalyq stavka 16% bolatyn, teńge quldyramaǵan. 2016 jyldyń naýryzynan 17%-ǵa kóterildi.

«Joǵary ınflıatsııa bolatynyn bildik (18%). Naryq joǵary paıyzdyq kórsetkishke beıimdelgen bolatyn. Bizge joǵary bazalyq kórsetkish kerek bolatyn. 2017 jyldan bastap bazalyq mólsherlemeni tómendete bastadyq. Basty krıterıı - eldegi ınflıatsııa kórsetkishi», - dedi Aqyshev.

Aıta keteıik, osy sátte Ulttyq bank basshysynyń onlaın-konferentsııasy ótip jatyr. 12 aqpannan beri Danııar Aqyshevtyń atyna 300-den astam saýal joldanǵan. Kelip túsken suraq mazmundaryna kóz júgirtsek, qazaqstandyqtardy bank sektoryn damytý, nesıe mólsherlemesi, aıyrbas pýnktteri men krıptovalıýtalar, sondaı-aq basqa da máseleler tolǵandyryp otyrǵany baıqalady.