2016 jyly temirjol bıletteriniń baǵasy qymbattamaıdy - QTJ

ASTANA. QazAqparat - 2016 jyly temirjol bıletteriniń baǵasy qymbattamaıdy. Bul týraly búgin Ortalyq kommýnıkatsııalar qyzmetinde ótken baspasóz máslıhatynda «Qazaqstan temir joly» UK» AQ vıtse-prezıdenti Berik Qamalıev málim etti.

«Jalpy, búginde respýblıka ishindegi əleýmettik mańyzdy jolaýshylar tasymaly bıýdjet esebinen sýsbıdııalanady. Tarıf óz esebinen shyǵyndardy jaba almaıtynyna qaramastan, TMD elderi arasynda «Qazaqstan temir joly» kompanııasynyń tarıfteri - eń arzany. Eń sońǵy ret temir jol bıletiniń baǵasy 2014 jyly qymbattaǵan bolatyn. Bıyl baǵa turaqty boldy jəne kelesi jyly, ıaǵnı, 2016 jyly bılet baǵasy óspeıdi», - dep atap ótti vıtse-prezıdent. Onyń aıtýynsha, halyqaralyq tasymal boıynsha da bılet baǵasy qymbattamaıdy. Sondaı-aq Qazaqstan, Reseı, Ózbekstan, Qyrǵyzstan, Tájikstan arasynda 45 paıyzǵa deıin jeńildik júıesi kúshin joımaıdy. «Tulpar-Talgo» júrdek poıyzdarynyń bılet baǵasyn kóterý de kózdelip otyrǵan joq», - dep málim etti B.Qamalıev.