2016 jyly saraptama qyzmetiniń 50% jeke naryqqa ótti

ASTANA. QazAqparat - Qazirgi ýaqytta saraptama qyzmetin kórsetetin 19 jeke uıym akkredıtteýden ótti. Bul týraly QR Ulttyq ekonomıka mınıstrligi Qurylys, turǵyn úı-kommýnaldyq sharýashylyq jáne jer resýrstaryn basqarý isteri komıtetiniń tóraǵasy Marhabat Jaıymbetov málim etti.

«Bıznes-ortany túbegeıli jaqsartý maqsatynda tehnologııalyq kúrdeli ǵımarattar men qurylystardan ózge barlyq memlekettik saraptama qyzmeti jeke naryqqa beriledi. 2016 jylǵa deıin jeke sektorda tek 20% saraptama kirgen bolatyn. Aıta ketý kerek, 2016 jyly saraptama qyzmetiniń 30 paıyzy jeke naryqqa ótip, onyń jalpy kólemi 50%-ǵa jetti», - dedi M.Jaıymbetov.
Onyń sózine qaraǵanda, Memleket basshysynyń 5 ınstıtýtsıonaldy reformalaryn júzege asyrýdyń «100 naqty qadamynyń» 47 qadamy boıynsha, 2020 jylǵa deıin saraptama qyzmetiniń 90 paıyzyn jeke naryqqa berý josparlanýda. QR Ulttyq ekonomıka mınıstrligi baspasóz qyzmetiniń habarlaýynsha, 2017 jyly jeke naryqqa saraptamanyń 70 paıyzy ótedi.
Memlekettik saraptamanyń enshisinde texnologııalyq kúrdeli 10% saraptama qalatyn bolady.
«Qazirgi ýaqytta saraptama qyzmetin kórsetetin 19 jeke uıym akkredıtteýden ótti», - dedi M.Jaıymbetov.