2016 jyly «QazMunaıGaz» kompanııasy munaı óndirý kólemin tómendetpeýi múmkin
Bul týraly ol búgin Ortalyq kommýnıkatsııalar qyzmetindegi baspasóz máslıhatynda málim etti.
Respýblıka deńgeıinde jumys istep jatqan keıbir kompanııalarda bıylǵy jyly óndirý kóleminiń ary qaraı tómendeýi múmkindigi bar ekenine toqtalǵan ol, «Al osy turǵyda «QazMunaıGaz» boıynsha bundaı tómendeý bolmaıdy dep úmittenemiz. Bul rette birshama ósim de bolýy yqtımal»,-dedi S. Myńbaev.
Onyń sózine qaraǵanda, munaı baǵasynyń tómen jaǵdaıynda búginde shaǵyn kompanııalardyń ahýaly qıyndaý bolyp tur.
Osy rette S. Myńbaev respýblıka boıynsha óndirý kóleminiń qysqarýy shaǵyn munaı óndirý kompanııalary jáne «Qarashyǵanaq petroleým opereıtıng» esebinen bolǵanyn jetkizdi.
Budan buryn habarlanǵandaı, 2015 jyly «QazMunaıGaz» UK» AQ munaı óndirý kólemin 1 paıyzǵa arttyrdy. 2015 jyly «QazMunaıGaz» kompanııalar tobynda munaı men gaz kondensatynyń shoǵyrlandyrylǵan óndirý kólemi 22 mln. 670 myń tonnany qurady. Tabıǵı jáne ilespe gazdy óndirý 7 255 mln. tekshe metrge jetti.