2016 jyly Qazaqstanda qansha adam izdeýde boldy

ASTANA. QazAqparat - 2016 jyly Qazaqstan Respýblıkasynyń quqyq qorǵaý organdary 19 595 adamǵa izdeý saldy, onyń ishinde 6 963-i qylmystyq quqyq buzýshylyq jasaǵany úshin izdeý salynǵandar, 4 674 adam habar-osharsyz joǵalǵandar, sondaı-aq 7 958 azamat atqarýshy óndiris boıynsha boryshkerler/jaýapkerler retinde tirkeldi, dep habarlaıdy QazAqparat.

«Іzdeýdegi qylmyskerlerdiń jalpy sanynan jartysy aýyr jáne asa aýyr qylmys jasaǵandary úshin izdeý salynǵandar. Eń kóp mólsherde jeke menshikke qarsy (4110), halyqtyń densaýlyǵyna jáne ımandylyǵyna qarsy (401), esirtki zattarmen baılanysty (404) qylmystyq quqyq buzýshylyq jasaǵandarǵa izdeý jarııalandy. Osy rette 4 288 adam  ustalýyna baılanysty olarǵa qatysty izdeý toqtatyldy», - dep atap ótilgen. QR Bas prokýratýrasy Quqyqtyq statıstıka jáne arnaıy esepke alý komıtetiniń málimetinde.

Vedomstvo dereginshe, habar-osharsyz joǵalýǵa baılanysty 4 674 adamǵa izdeý salyndy, onyń ishinde kámelettik jasqa tolmǵandar - 597, áıelder - 1549.  Belgili bolǵandaı,  izdeýdegi 2 876 adam anyqtalǵan. Endi 1 554 habar-osharsyz ketken adamnyń taǵdyry belgisiz.

«Kóshi-qon polıtsııasy organdarymen atqarýshy óndiris boıynsha boryshkerler/jaýapkerler bolyp tabylatyn 7 958 adamǵa izdeý salynyp, sonyń 5 414-i ustaldy»,-deıdi komıtet ókilderi.