2016 jyly Qazaqstanda ınflıatsııa 8,5 paıyzdy qurady
Vedomstvo málimetterine sáıkes, ótken jyl baǵa azyq-túlik taýarlaryna 9,7%, azyq-túlik emes taýarlarǵa 9,5%, aqyly qyzmetterge 6,1%-ǵa ósti. Aǵymdaǵy jyldyń basynan beri (2016 jylǵy jeltoqsan 2015 jylǵy jeltoqsanǵa) baǵanyń ósýi shaıǵa 38,9%, jarmalarǵa 31,3%, jumyrtqaǵa 20,3%, nanǵa 17,2%, qantqa 17%, kondıterlik ónimderge 16,6%, qaıta óńdelgen jáne konservilengen kókónisterge 15,8%, kartopqa 15,6%, qus etine 13,8%, salqyndatylǵan sýsyndarǵa 13,2%, kúnbaǵys maıyna 11,8%, makaron ónimderine 11,3%, jemis jáne kókónis shyryndaryna 10,7%, toqash jáne unnan daıyndalatyn ónimderge 10,6%-ǵa belgilendi.
Baǵa ósimi farmatsevtıkalyq ónimderge 17,7%, keńse taýarlary men syzý quraldaryna 14,2%, jeke qoldanatyn taýarlarǵa 13%, jýǵysh jáne tazalaǵysh quraldarǵa 12,3%, toqyma buıymdaryna 11,2%, turmystyq aspaptarǵa 11,1%, shyny jáne qyshtan jasalǵan ónimderge 10,2%, avtomobılderge 9,2%, kıim jáne aıaq kıimge 9%-ǵa qurady. Dızel otyny 38,2%, ballondaǵy suıytylǵan gaz 16,1%-ǵa qymbattady.
Baǵa deńgeıi densaýlyq saqtaý qyzmetterine 10,1%, jolaýshylar kóliginiń 7,2%, meıramhanalar men qonaq úılerdiń, saqtandyrý, quqyqtyq qyzmetterine 7%, demalys, oıyn-saýyq jáne mádenıet salasyndaǵy 6,8%, bilim berý 6,6%, shashtarazdar men jeke qyzmet kórsetý oryndarynyń 5,2%-ǵa ósti.
Turǵyn úı-kommýnaldy qyzmetter salasynda tarıfter kárizge 25,2%, sýyq sýǵa 12,2%, qoqys shyǵarýǵa 11%, ortalyqtan jylytýǵa 8%, ystyq sýǵa 7,8%, taratý jelileri arqyly tasymaldanatyn gazǵa 7,5%, elektr energııasyna 6,1%-ǵa artty.