2016 jyly ǵaryshqa zymyran-tasyǵyshtardyń 23 túri ushyryldy

ASTANA. QazAqparat - Álem elderiniń ǵarysh qyzmetine jasalǵan sholýda  2016 jylǵy statıstıka keltirilgen.

Málim bolǵandaı, byltyr ǵarysh apparattaryn ushyrý kezinde zymyran-tasyǵyshtardyń 23 túri qoldanylǵan, dep habarlaıdy «QazAqparat» HAA tilshisi.

Reseılik «Soıýz» zymyrandary eń jıi ushyrylǵan (14 ret).

Ekinshi-tórtinshi oryndarǵa qytaılyq «Chanchjen-3A», amerıkalyq Atlas V jáne SpaceX kompanııasynyń Falcon-9 zymyrandary ornalasty. 2016 jyly bul tasyǵyshtar 8 ret ushyrylǵan, delingen sholýda.

Odan keıingi oryn eýropalyq Ariane-5 zymyranyna tıesili - 7 ushyrylym.

«Reseılik «Proton-M» 2016 jyly nebári úsh-aq ret ushyrylǵany nazar aýdartady. Bul ótken jylmen salystyrǵanda óte az», - dep jazylǵan sholýda.