2016 jyly «Astana-Şýche» aqyly avtojoly arqyly 1, 25 mıllıard teńge jınaldy
«2016 jyl boıynsha jospar 1 mıllıard 144 mıllıon teńgeni qurasa, ol 107 mıllıon teńgege artyq oryndaldy. Jınalǵan aqshanyń barlyǵy derlik joldy kútip, ustaýǵa jáne tólemderdi qabyldaý júıesin jańǵyrtýǵa baǵyttaldy», - dep kórsetilgen habarlamada.
2016 jyly kólik qozǵalysynyń jalpy kólemi 2 mıllıon 697 myń avtokólikti qurady. Bul 2015 jylmen salystyrǵanda atalǵan kúre jolmen kólik qozǵalysynyń 4,3 paıyzǵa artqanyn kórsetedi.
Aqyly avtomobıl joldarynyń dırektsııasynyń shyǵyndarynyń negizgi bóligi materıal satyp alý, jumysshylarǵa aılyq tóleý, janar-jaǵar maı, qosalqy bólshekter men qural-jabdyqtardy satyp alý, amortızatsııalaý, jumys jáne qyzmet kórsetý jáne kólikterdi jóndeýge jumsalyp otyr. Dırektsııanyń josparyna sáıkes 2016 jyly 1 mıllıard 165 mıllıon teńgege joldy kútip, ustaý jáne jóndeý jumystary júrgizildi. Onyń ishinde 278 mıllıon 935 myń teńgesi tólemderdi qabyldaý júıesin ustaýǵa jumsalsa, qalǵany joldy kútip, ustaý jáne jóndeý jumystaryna baǵyttaldy. Jaı kúnderi táýligine 7-8 myń kólik qozǵalsa, demalys kúnderi 12 myń deıin jetedi. Jol júrýdi yńaıly etýde qolma-qol aqshasyz tólemderdi qabyldaý termınaldary paıdalanylýda. Qyzmet kórsetý aıasynda keńeıtýde tólemderdi «Halyq bank», «Sberbank», «Kaspıı bank» ınternet bankıngi jáne «QIWI-koshelek» jáne «Kaspıı-koshelek» arqyly júzege asyrýǵa bolady. Sonymen qatar, qoldanýshylar bank kartochkasyna qosylǵan «Jeke kabıneti» arqyly óz esepshottaryn toltyra alady. Usynylǵan qyzmet aqsha qabyldaýdaǵy júktemeni azaıtyp, tólemdedi qabyldaý pýnkterinde keptelisterdi azaıtýǵa mumkindik bermek.