2016 jyly 44 tonnadan astam munaı KQK júıesi boıynsha eksportqa shyǵaryldy

 ATYRAÝ. QazAqparat - Teńiz ken ornyn Novorossıısk portymen baılanystyratyn Kaspıı qubyr konsortsıýmy  júıesi boıynsha 2016 jyly eksportqa 44,28 mln tonna munaı jóneltildi, dep habarlady «QazAqparat» HAA tilshisi.

 «Eksporttyq qubyr boıynsha munaı aıdaýdyń jalpy kólemi 4,517 mln tonnaǵa jetip, 11,38 paıyzǵa ulǵaıdy. Tutastaı 2016 jyly Novorossııskide termınaldarǵa deıin munaı aıdaý 44,28 mln tonnany qurady. Bul 2015 jylǵy kórsetkishten 0,35 paıyzǵa kóp», - dep habarlady KQK baspasóz qyzmetinde.

Eske salsaq, 1580 shaqyrymdyq qubyr Qazaqstannyń ken ornyn tankerlermen  munaı  túrik buǵazy arqyly eksportqa shyǵarylatyn Novorossıısk portymen baılanystyrady. 2019 jylǵy jeltoqsanda jańartylǵan Qashaǵan ken orny munaıyn  KQK júıesi boıynsha eksportqa tasymaldaýdy josparlaýda. Aǵymdaǵy jyly Qashaǵanda shamamen 8 mln tonna munaı óndirý josparlanýda. Ótken jyly ulǵaıǵan KQK qýaty jylyna osy júıe boıynsha 67 mln tonnaǵa deıin munaı tasymaldaýǵa múmkindik beredi.