2016 jylǵy qańtar-tamyzda Qazaqstanda ınflıatsııa 5,4% qurady
Aǵymdaǵy jyldyń basynan (2016 jylǵy tamyz 2015 jylǵy jeltoqsanǵa) baǵanyń ósýi jarmalarǵa 31,3%,
qantqa - 30,2%, shaıǵa - 22,9%, kartopqa - 19,8%, nanǵa - 15,9%, qaıta óńdelgen jáne konservilengen kókónisterge - 12,1%, kondıterlik ónimderge - 10,7%, salqyndatylǵan sýsyndarǵa - 10,2%, makaron ónimderine - 9,8%, kúnbaǵys maıyna - 9,3%, jemis jáne kókónis shyryndaryna - 9,1%, keptirilgen jemister men jańǵaqtarǵa - 8,6%, qus etine - 7,7%, toqash jáne unnan daıyndalatyn ónimderge - 7,1%-ǵa belgilendi. Baǵanyń tómendeýi jańa jınalǵan kókónisterge 20,6%, jumyrtqaǵa - 13%, shıki sútke - 8,2%-ǵa tirkeldi.
Baǵa ósimi farmatsevtıkalyq ónimderge 13,9%, oqýshylardyń ranetsi, rıýkzagyna - 13,3%, keńse taýarlary men syzý quraldaryna - 11,1%, jeke qoldanatyn taýarlarǵa - 9%, turmystyq aspaptarǵa - 8,8%, jýǵysh jáne tazalaǵysh quraldarǵa - 8,3%, shyny jáne qyshtan jasalǵan ónimderge - 7,7%, avtomobılderge - 6,8%, toqyma buıymdaryna - 6,6%, kıim jáne aıaq kıimge - 5,7%-dy qurady. Dızel otyny 15,9%, ballondaǵy suıytylǵan gaz - 13,4%-ǵa qymbattady.
Baǵa deńgeıi densaýlyq saqtaý qyzmetterine 7,8%, mektepke deıingi balalar mekemesiniń - 7,6%, meıramhanalar men qonaq úılerdiń - 4,7%, demalys, oıyn-saýyq jáne mádenıet salasyndaǵy - 4,1%, shashtarazdar men jeke qyzmet kórsetý oryndary - 2,5%-ǵa ósti. Jolaýshylardyń áýe kóligimen jol júrý aqysy 30,6%, alys qashyqtyqqa qatynaıtyn temir jol kóligine - 15%, ishki qalalyq qatynastarda avtobýspen - 8,4%-ǵa joǵarylady.
Turǵyn úı-kommýnaldy qyzmetter salasynda tarıfter kárizge 25,3%, sýyq sýǵa - 12,4%, qoqys shyǵarýǵa - 11%, taratý jelileri arqyly tasymaldanatyn gazǵa - 9,2%, ortalyqtan jylytýǵa - 7,3%, elektr energııasyna - 4,8%, ystyq sýǵa - 4,4%-ǵa ósti.