2016 jyldyń sáýirinen «Samuryq-Qazyna» jańa uıymdastyrýshylyq qurylymǵa kóshedi
Bul týraly búgin QR Úkimetiniń selektorlyq rejimdegi otyrysy barysynda atalǵan qordyń basqarma tóraǵasy Ómirzaq Shókeev málim etti.
«Biz 8 jeltoqsanda qordyń jańa qurylymyn tanystyrmaqpyz jáne ony tolyqtyra bastaıtyn bolamyz. Onda árbir laýazymǵa, onyń ishinde ásirese negizgi basshylyq laýazymdarǵa talaptar qarastyrylǵan», - dedi ol.
Ó.Shókeevtiń atap ótýinshe, qazirgi ýaqytta atalǵan talaptarǵa sáıkes qor qyzmetkerlerin baǵalaý sharalary júrgizilýde.
«Bul jumystar 2016 jyldyń 1 sáýirinde aıaqtalatyn bolady jáne qor jańa uıymdastyrýshylyq qurylymǵa kóshedi», - dedi qor basshysy.
Sonymen qatar ol 2016 jyldyń ekinshi toqsanynda qordyń korporatıvtik ortalyqtary úlgisinde enshiles kompanııalardyń korporatıvtik ortalyqtaryn qaıta qalyptastyrý protsesin aıaqtaý josparlanyp otyrǵandyǵyn eskertip ótti.