2016 jyldyń ortasyna deıin zeınetaqy qorlary aktıvterin jeke kompanııalardyń basqarýyna berý tetikteri ázirlenedi
Bul týraly búgin Úkimet otyrysynda QR Ulttyq ekonomıka mınıstri Erbolat Dosaev málim etti.
«Zeınetaqy jınaqtarynyń kiristiligin arttyrý maqsatynda zeınetkerlik aktıvterdi ınvestıtsııalaý tásilderi qaıta qaralatyn bolady jáne 2016 jylǵy ortasyna deıin zeınetaqy qorlary aktıvterin qazaqstandyq nemese sheteldik jeke kompanııalardyń basqarýyna berý tetikteri ázirlenetin bolady», - dedi E. Dosaev.
Mınıstrdiń sózine qaraǵanda, ekonomıkany dollarsyzdandyrý maqsatynda Ulttyq bank Úkimetpen birlesip ekonomıkany dollarsyzdandyrý jáne korporatıvtik qundy qaǵazdar naryǵyn damytýdy, sondaı-aq bırjalyq saýdany teńgeleı qarjy quraldarymen yntalandyrýdy, el aýmaǵynda satylatyn taýarlar men kórsetiletin qyzmetter baǵalaryn jáne olardyń jarnamasyndaǵy baǵalaryn tek ulttyq valıýtada belgileý men kórsetýdi qosa alǵanda teńge quraldarynyń tartymdylyǵyn arttyrý jónindegi sharalar kesheni qabyldanatyn bolady.