2016 jyldyń ortasyna deıin Úkimet eldiń damýynyń jańa strategııalyq josparyn ázirleıdi

ASTANA. QazAqparat - 2016 jyldyń ortasyna deıin Úkimet eldiń damýynyń jańa strategııalyq josparyn ázirleıdi. Bul týraly búgin tilshilerge QR Ulttyq ekonomıka mınıstri Erbolat Dosaev málim etti.

«Úkimet tıisti bastamamen Memleket basshysyna júginde jáne Elbasy qoldaý bildirdi. Biz 2025 jylǵa deıingi eldiń damýynyń jańa strategııalyq josparyn ázirleımiz. Bul baǵyttaǵy jumys jyldyń ortasyna deıin aıaqtalady. Josparda barlyq jańa úrdister, Qazaqstan ekonomıkasyn damytýdyń jańa baǵyttary kórinis tabady», - dedi E. Dosaev.
Sonymen qatar, mınıstr eldiń 2016 jylǵa áleýmettik-ekonomıkalyq damýynyń jańa boljamy bekitilgenin jetkizdi.
Esepti baǵam 300-den 360 teńgege deıin ózgertildi. JІÓ ósiminiń boljamy 2,1 paıyzdan 0,5 paıyzǵa deıin tómendetiledi. Al ınflıatsııa deńgeıi 6-8 paıyz deńgeıindegi burynǵy dálizde saqtalmaq.