2016 jyldyń 1 toqsanynda áskerı sottarda 49 is qaraldy
11:45, 15 Sáýir 2016
ASTANA. QazAqparat - 2016 jyldyń 1 toqsanynda áskerı sottarda 49 is qaraldy. Bul týraly búgin QR Áskerı sotynyń qylmystyq ister jónindegi apellıatsııalyq sot alqasynyń tóraǵasy Jandos Musabekuly málim etti.
«2016 jyldyń 1 toqsanynda garnızondyq áskerı sottarynda jáne aýdanaralyq mamandandyrylǵan qylmystyq qylmystyq ister qaraý sotynda 49 is qaraldy. Byltyrǵy jylmen salystyrǵanda qaralǵan ister sany 30 paıyzǵa azaıdy», - dedi ol.
Onyń atap ótýinshe, qosymsha tergeýge jiberý ınstıtýty alynyp tastalýyna baılanysty qaıta tergeýge jiberilgen ister bolmaǵan. Munan bólek, 4 qylmystyq is óndirisi qysqartylǵan. Al medıatsııa tártibimen qysqartylǵan qylmystyq is bolmaǵan.
«2016 jyldyń 1 toqsanynda jeke aıyp boıynsha 2 tulǵaǵa baılanysty 2 aqtaý úkimi shyqty», - dedi J.Musabekuly.