2016-2018 jyldary tórt oblysta 66 eldi meken gazǵa qosylady - Maǵzum Myrzaǵalıev

ASTANA. QazAqparat - Sońǵy 10 jyl ishinde elimizde 1160 eldi mekenge gaz tartyldy. Bul týraly búgin Ortalyq kommýnıkatsııalar qyzmetindegi baspasóz máslıhatynda Energetıka vıtse-mınıstri Maǵzum Myrzaǵalıev málim etti.

«2016-2018 jyldar aralyǵynda respýblıkalyq jáne jergilikti bıýdjet esebinen Batys Qazaqstan, Ońtústik Qazaqstan, Qostanaı, jáne Aqtóbe oblystaryn qamtıtyn barlyǵy 66 eldi meken, ıaǵnı 160 myń turǵyn gazǵa qosylady»,-dep toqtaldy M. Myrzaǵalıev.

Sonymen qatar ol 2016-2020 jyldar aralyǵynda elimizdi gazdandyrý jumysyna atalǵan eki bıýdjetten basqa, ulttyq operatordyń da qarajaty tartylatynyn jetkizdi. Nátıjesinde, Aqtóbe, Mańǵystaý, Qyzylorda, Jambyl jáne Ońtústik Qazaqstan oblystaryn qamtıtyn barlyǵy 14 eldi mekendi (270 myń turǵyndy) gazben qamtamasyz etý qarastyrylǵan.

«Sońǵy 10 jyl ishinde elimizde 130 joba iske asyrylyp, sonyń arqasynda búginde 1160 eldi meken gaz qubyryna qosyldy. Jalpy, on alty aýmaqtyń toǵyzy tabıǵı gazǵa qosyldy nátıjesinde 7 mıllıonnnan astam turǵyn gazben qamtamasyz etildi»,-dedi M. Myrzaǵalıev.