2015 jyly uıaly baılanys jelilerinde nómirlerdiń aýyspalylyǵy engiziledi - B.Saǵyntaev
Bul týraly búgin elordada Baılanys salasyndaǵy óńirlik yntymaqtastyqtyń Baılanys ákimshiligi keńesiniń 49-shy birlesken otyrysy jáne BSÓY janyndaǵy aqparattandyrý boıynsha TMD-ǵa qatysýshy elderdiń Úılestirý keńesiniń 20-shy birlesken otyrysy kezinde QR Premer-Mınıstriniń birinshi orynbasary Baqytjan Saǵyntaev málim etti. Onyń atap ótýinshe, búgingi tańda elimizde «Aqparatty Qazaqstan» memlekettik baǵdarlamasy aıasynda ınnovatsııalyq kommýnıkatsııalyq ınfraqurylymǵa qoljetimdilikti qamtamasyz etý, aqparattyq orta qalyptastyrý, otandyq aqparattyq keńistikti damytý baǵytyndaǵy mindetter qarqyndy sheshilý ústinde.
«Uıaly baılanys naryǵyndaǵy básekelestikti kúsheıtý úshin biz uıaly baılanys jelilerinde nómirlerdiń aýyspalylyǵyn engizý boıynsha jumystardy bastadyq. Biz Qazaqstan abonentteri 2015 jyldan bastap bul qyzmetti paıdalana alatyn bolady dep kútýdemiz», - dedi B.Saǵyntaev.
Sonymen qatar birinshi vıtse-mınıstr óz sózinde búginde elimizdiń árbir ekinshi turǵyny sandyq efırlik televıdenıemen qamtylǵanyn basa atap ótti.
«Qamtý kólemi shamamen 51 paıyzdy quraıdy. Baǵdarlama 2015 jyly aıaqtalyp, qamtý kólemi 95 paıyzǵa jetedi», - dedi ol.