2015 jyly «Samuryq-Qazyna» AQ-nyń jıyntyq taza tabysy 304,8 mlrd. teńgeni qurady - E. Bahmýtova

ASTANA. QazAqparat - 2015 jyly «Samuryq-Qazyna» AQ-nyń jıyntyq taza tabysy 304,8 mlrd. teńgeni qurap, 2014 jylmen salystyrǵanda 30 paıyzǵa ósti. Bul týraly búgin Astanada ótken baspasóz máslıhatynda atalǵan Qordyń Qarjy jáne operatsııalar jónindegi basqarýshy dırektory - Bas qarma múshesi Elena Bahmýtova málim etti.

Onyń sózine qaraǵanda, tabystyń ósimine negizinen baǵam aıyrmashylyǵy oń áser etti. Al álemdik naryqtaǵy munaı baǵasynyń tómendeýi birlesken kompanııalardaǵy tabys úlesiniń azaıýyna ákelip soqtyrsa, Qytaı men Reseı ekonomıkasy ósiminiń tejelýi jekelegen sala qyzmetterine zııanyn tıgizip, jıyntyq taza tabysqa teris yqpal etken kórinedi.

«Samuryq-Qazyna» AQ baspasóz qyzmetiniń málimetinshe, 2015 jyly operatsııalyq EBITDA 638,9 mlrd. teńgeni qurady, bul 2014 jylmen salystyrǵanda 35 paıyzǵa tómen jáne álemdik naryqtaǵy munaı baǵasynyń 47 paıyzǵa tómendep ketkendigimen baılanysty bolyp otyr. Aıta keteıik, munaı barreliniń ortasha baǵasy 2014 jyly 99 AQSh dollaryn qurasa, 2015 jyly 52 dollar deńgeıinde bolǵan edi.