2015 jyly «QazTransOıldyń» taza tabysy 79 mlrd. teńgeni qurady
14:09, 30 Mamyr 2016
ASTANA. QazAqparat - 2015 jyly "QazTransOıldyń" taza tabysy 79 mlrd. 642 mln. teńgeni qurady. Bul týraly búgin "QazTransOıl" AQ Bas dırektorynyń orynbasary Ásem Núsipova málim etti.
"2015 jyly "QazTransOıldyń" taza tabysy 79 mlrd. 642 mln. teńgeni qurady. Byltyr bul kórsetkish 57 mlrd. 698 mln. teńge deńgeıinde tirkelgen bolatyn. Birikken paıda 44 mlrd 712 mln. teńge boldy. Aldyńǵy jyly ol 46 mlrd 430 mln teńge bolǵan edi", - dedi ol Astanada ótken baspasóz máslıxatynda.
Onyń sózi boıynsha, 2015 jylǵy dıvıdendtiń jalpy somasy 51 156 534 667 teńge deńgeıinde belgilenip otyr. Bul "QazTransOıl" kompanııasynyń sońǵy tórt jylda bólgen eń úlken dıvıdendter kólemi.