2015 jyly Qazaqstandaǵy barlyq munaı-gaz ken oryndaryn zertteý josparlanyp otyr

ASTANA. QazAqparat - 2015 jyly Qazaqstandaǵy barlyq munaı-gaz ken oryndaryn zertteý josparlanyp otyr. Búgin «Nur Otan» partııasynyń Májilistegi fraktsııasy janyndaǵy Ekonomıkalyq saıasat keńesiniń otyrysynda Energetıka mınıstri Vladımır Shkolnık osylaı málim etti. Eske salaıyq, keńeste «Nur Otan» partııasy Saılaýaldy tuǵyrnamasynyń «Innovatsııalyq ekonomıka» baǵyty boıynsha máseleler talqylanǵan edi.

«Biz munaı-gaz ken oryndaryn barlaýǵa qatysty ǵylymı-zertteý ortalyǵyn qurý jumysyna den qoıyp otyrmyz. Naqtylap oǵan toqtalmaı-aq qoıaıyn, degenmen mańyzdy másele - 2015 jyly Qazaqstandaǵy barlyq munaı-gaz ken oryndarynan shıkizat alý múmkindikterine qatysty salmaqty saraptamalyq zertteý júrgizý qajet. Bul rette aldyńǵy qatarly ádister men tehnologııalar jaıy da saralanatyn bolady», - deıdi V. Shkolnık.

Mınıstrdiń sózine qaraǵanda, aǵymdaǵy jyly munaı-gaz salasyndaǵy óndirýshi sektordyń ǵylymı-tehnıkalyq bazasyn damytýdyń «Jol kartasy» júzege asa bastaǵan. Onda munaı alýdy arttyrýdyń kólemin ósirýdi ońtaılandyrý, geologııalyq-aqparattyq barlaý júıesin damytý, uńǵymalardy monıtorıngileý sharalary qamtylyp otyr.

«Shell» men «Exxon Mobil» kompanııalary «QazMunaıGaz» kompanııasymen birlese otyryp, geohımııalyq zerthana qurý jumystaryn bastady. Budan bólek, ken oryndaryn ıgerý úshin durys ornalasý men «energııa alý úshin energııany azdap jumsaý» qaǵıdalaryna saı jumystar atqarylatyn bolady», - dedi V. Shkolnık.