2015 jyly Qazaqstanda 82 ardagerge úı berildi

ASTANA. QazAqparat - 2015 jyly Qazaqstanda 82 ardagerge úı berildi. Bul týraly búgin Ortalyq kommýnıkatsııalar qyzmetinde ótken brıfıngte QR Densaýlyq saqtaý jáne áleýmettik damý vıtse-mınıstri Svetlana Jaqypova málim etti.

«Biz jergilikti organdarmen birlese otyryp, bıyl qańtar-sáýir aılary aralyǵynda Uly Otan soǵysy ardagerlerine 82 páter berdik. «Nur Otan» partııasynyń jaqynda ótken jıyndarynyń birinde Qazaqstanda páter kezeginde 104 ardager tur degen aqparat aıtyldy jáne jergilikti bılik basshylary men ákimdikter osy ardagerlerge páter berýge ýáde etken bolatyn. Sol 104 ardagerdiń 82-si baspanaly boldy deýge bolady. Meniń oıymsha, 9 mamyrǵa deıin ákimder qalǵan ardagerlerdi baspanamen qamtamasyz etedi», - dedi ol.

Onyń aıtýynsha, oǵan qosa júzdegen ardagerlerdiń úılerine jóndeý jumystary jasaldy.