2015 jyly Qazaq handyǵynyń 550 jyldyǵyna oraı úlken sharalar ótedi

ASTANA. QazAqparat - Kereı men Jánibek handardyń Shý men Talas ózenderiniń arasyndaǵy aımaqqa ornalasyp, qazaq Týyn kótergeniniń 550 jyldyǵyna oraı aýqymdy sharalar ótedi. Bul týraly búgin Ortalyq kommýnıkatsııalar qyzmetindegi brıfıngte QR Mádenıet jáne sport mınıstri Arystanbek Muhamedıuly málim etti.

«2015 jyly bizdiń elimizdegi eleýli oqıǵalar aýqymdy túrde ótkiziletin erekshe jyl bolady. Osy oraıda Qazaqstan halqy Assambleıasynyń jıyrma jyldyǵy, Qazaqstan Konstıtýtsııasynyń jıyrma jyldyǵy, sonymen qatar Uly Jeńistiń 70 jyldyǵy qamtylmaq. Atap aıtqanda, aldaǵy jyldaǵy úlken shara Qazaq handyǵynyń qurylýynyń 550 jyldyǵynyń baılanysty bolady», - dedi mınıstr.

Onyń sózine qaraǵanda, Elbasynyń tapsyrmasy boıynsha mınıstrlik qazirgi kezde úlken tujyrymdama jasap, búgingi Úkimet otyrysynda osy qujat keńinen talqylaýdan ótti. Muhammed Haıdar Dýlatıdyń «Tarıh-ı-Rashıdı» atty eńbegine súıene otyryp, búkil ǵalymdar bir tujyrymǵa keldi. ıAǵnı osyǵan sáıkes,1465 jyly Qazaq handyǵynyń alǵash qurylǵan kezi atap ótilgen.

Atqarylatyn sharalar negizgi úsh bólimnen turady. Birinshisi - patrıottyq baǵytta, ekinshisi - ǵylymı-tanymdyq derekti fılmderdi, kórkem fılmderdi jasaýdy, úshinshisi - ǵylymı-zertteý jumystaryn qamtıdy.

«Qazaq handyǵynyń birinshi qurylǵan jeri Shý men Talas ózenderiniń arasyndaǵy alqapta 2015 jylǵy qyrkúıekte Elbasynyń jáne halyqaralyq úlken meımandardyń qatysýymen aýqymdy shara ótedi», - dedi Arystanbek Muhamedıuly.