2015 jyly elorda kúni «Astana - beıbitshilik pen kelisimniń qalasy» degen uranmen ótedi

ASTANA. QazAqparat - 2015 jyly elorda kúni «Astana - beıbitshilik pen kelisimniń qalasy» degen uranmen ótedi. Bul týraly búgin Ortalyq kommýnıkatsııalar qyzmetinde ótken brıfıngte Qazaqstan halqy Assambleıasynyń Astana qalasy boıynsha hatshylyǵynyń meńgerýshisi Lázzát Qusaıynova málim etti.

«Dástúrli sharalarmen qatar bıyl Elorda kúnine birneshe iri sharalar ótedi dep josparlanýda. 2015 jyly qala kúni «Astana beıbitshilik pen kelisimniń qalasy» degen uranmen ótedi. Sonymen qatar, «Men - qazaqstandyqpyn» degen jastar forýmy uıymdastyrylady. Ulttyq oıyndar boıynsha jalpy qalalyq festıval ótkizý josparda bar», - deıdi L.Qusaıynova.

Onyń atap kórsetkenindeı, bunymen qosa qalalyq memlekettik organdar qyzmetkerleri men iri kásiporyn ujymdary arasynda shyǵarmashylyq festıval ótedi.