2015 jyldyń І jartyjyldyǵynda Qazaqstanǵa 7,5 mlrd. dollar ınvestıtsııa tartyldy

ASTANA. QazAqparat - Bıyl birinshi jartyjyldyqta Qazaqstanǵa 7,5 mlrd. dollar ınvestıtsııa tartyldy. Búgin «Qazaqstandy jańa ındýstrııalandyrý. 2015 jyl qorytyndysy» atty jalpyulttyq telekópirden keıin Elbasy Nursultan Nazarbaev osylaı málim etti.

«Jańa ındýstrıaldy saıasattyń maqsaty - ındýstrıalandyrýdyń jobalaryna toptalý. Bıylǵy birinshi jartyjyldyqta Qazaqstanǵa 7,5 mlrd. dollar ınvestıtsııa tartyldy. Jyl qorytyndysy boıynsha eki ese bolady dep úmittenemin»,-dedi N. Nazarbaev.

Osy oraıda Prezıdent bıyl qıyn jyl bolǵanyn aıta kele: «Eger de osy jyly osyndaı kólemde ınvestıtsııa tarsaq, onda elimizge senimmen (ınvestorlar) qaraıtyndyǵy kórinip tur. Bizde zańdar turaqty, kelisimsharttar turaqty, elimiz turaqty, sondaı-aq barsha álemde syı-qurmetke ıemiz»,-dedi.

Memleket basshysy QHR, Reseı, Frantsııa, Ulybrıtanııa, Túrkııa, Úndistan, Japonııa jáne ózge de negizgi ınvestor eldermen kelisimder júzege asyrylyp jatqandyǵyn atap ótti.

«Qazirgi kezde 40 mlrd. dollarǵa tarta qarjyǵa 120 jańa joba pysyqtalyp jatyr. Bizge tek jumys istep, ıgerý qajet»,-dedi Elbasy.