2015 jyldyń 1 shildesinen sot-narkologııalyq saraptama Ádilet mınıstrligine beriledi
17:14, 15 Mamyr 2015
ASTANA. QazAqparat - 2015 jyldyń 1 shildesinen sot-narkologııalyq saraptama Ádilet mınıstrliginiń qaramaǵyna beriledi. Bul týraly búgin QR Ádilet mınıstrligi Sot saraptamalyq ortalyǵynyń dırektory Isıdor Borchashvılı málim etti.
Onyń atap ótýinshe, aǵymdaǵy jyldyń qańtarynan sot-medıtsınalyq saraptama Densaýlyq saqtaý mınıstrliginen alynyp, Ádilet mınıstrliginiń qaramaǵyna berilgen. «Bıylǵy jyldyń 1 shildesinen sot-narkologııalyq saraptama da Ádilet mınıstrliginiń qaramaǵyna ótse, 2016 jyldyń 1 shildesinen sot-psıhologııalyq saraptama da da osy vedomstvoǵa beriledi. Bul el aýqymynda sot saraptamalary biryńǵaı bolýy úshin jasalýda», - dedi I.Borchashvılı.