2015 jyldan bastap qylmystyq sot isin júrgizýdiń jańa modeli engiziledi - Qaırat Mámı

ASTANA. QazAqparat - 2015 jyldan bastap Qazaqstanda qylmystyq sot isin júrgizýdiń jańa modeli engiziledi. Bul týraly búgin Qazaqstanda tirkelgen dıplomatııalyq korpýs ókilderine arnalǵan brıfıngte QR Joǵarǵy Sotynyń Tóraǵasy Qaırat Mámı málim etti.

Búgingi tańdaǵy mańyzdy mindetterdiń biri túbegeıli jańa ulttyq zańnama qalyptastyrý bolyp otyrǵanyn basa aıta kele Q.Mámı: «Biz azamattyq isti qaraýdy barynsha jeńildetýge, sonymen qatar daýlardy sottan tys retteýdiń medıatıvtik protsedýralary men basqa da sharalaryn keńinen qoldaný máselelerin qarastyramyz. Al taıaý 2 jyldyń ishinde ákimshilik ádilettiń jańa modelin qurý josparlanyp otyr», - dedi.

QR Joǵarǵy Sotynyń tóraǵasy óz sózinde 2015 jyly Qazaqstanda qylmystyq sot isin júrgizýdiń jańa modeli engiziletindigin de basa atap ótti.

«Aǵymdaǵy jyly jańa Qylmystyq, Qylmystyq is júrgizý, Qylmystyq atqarý kodeksteriniń qabyldanýy quqyqtyq saıasat tujyrymdasyn júzege asyrýdyń jańa kezeńine aınaldy», - dedi ol.