2014 jyly jol-kólik oqıǵalarynda qaza bolǵandar sany 15 paıyzǵa tómendedi
Jalpy respýblıkada 2014 jyldyń 11 aıynda 18 526 jol-kólik oqıǵasy tirkeldi. Eldi mekenderde -14 859, halyqaralyq, respýblıkalyq mańyzy bar joldarda - 1685, oblystyq, aýdandyq mańyzy bar joldarda 960 jol-kólik oqıǵalary bolǵan.
«Eń qaýipti Almaty qalasynyń joldary bolyp otyr, onda adamdardyń opat bolýyna jáne jaraqat alýyna alyp kelgen 5 167 JKO boldy, sondaı-aq Ońtústik Qazaqstan oblysynda - 3 108, Almaty oblysynda-1 676, Shyǵys Qazaqstan oblysynda-1 322 jáne Jambyl oblysynda 1159 JKO oryn aldy», - delingen komıtet málimetinde.
Atalǵan oqıǵalarda 26 620 kólik quraldary bolǵan, onyń ishinde 23 214-i jeńil avtokólikter, sonyń 1 061-i oń rýldi avtokólikter. Munymen qosa onyń arasynda jol-kólik oqıǵalaryna 974 avtobýs pen 854 júk kólikteri qatysqan.
Burynǵysha JKO kóbinese jol júrgizý erejelerin óreskel buzatyn júrgizýshilerdiń kinásinen (17 191) bolyp otyr. Aldyńǵy jylmen salystyrǵanda JKO sany 14 paıyzǵa, ondaǵy qaza bolǵan adamdardyń sany 15 paıyzǵa tómendegenin atap ótý qajet.