2014 jyly Jerdi qashyqtyqtan zondtaý ǵaryshtyq júıesi tolyq iske qosylady
15:55, 03 Jeltoqsan 2013
ASTANA. 3 jeltoqsan. QazAqparat - 2014 jyly Jerdi qashyqtyqtan zondtaý ǵaryshtyq júıesi tolyq iske qosylady. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda QR Ulttyq ǵarysh agenttigi tóraǵasynyń orynbasary Meıirbek Moldabekov málim etti.
Onyń atap ótýinshe, jerdi qashyqtyqtan zondtaý ǵaryshtyq júıesin júzege asyrý nátıjesinde jerdi qashyqtyqtan zondaýdyń eki ǵaryshtyq apparaty, ǵarysh derekterin qabyldaý jáne óńdeý úshin jerústi maqsatty kesheni jasalatyn bolady.
«Alǵashqy qazaqstandyq dáldigi ortasha jerdi qashyqtyqtan zondtaý ǵarysh apparatyn ushyrý 2014 jyldyń birinshi toqsanynda, al dáldigi joǵary jerdi qashyqtyqtan zondtaý ǵarysh apparaty 2014 jyldyń ekinshi jartyjyldyǵyna josparlanyp otyr. Kelesi jyly júıe tolyq iske kirisýi tıis», - dedi ol.