2014 jyly «Qaztemirtrans» saýda-sattyǵy 15,7 paıyzǵa ósedi dep kútilýde

ASTANA. 29 qarasha. QazAqparat - «Qaztemirtrans» AQ-nyń (QTT) 2014 jylǵy saýda-sattyq ósimi 114 mlrd teńge bolady.

QTT quramyna kiretin «Qazaqstan temir joly» AQ osyndaı boljam jasap otyr, dep habarlaıdy Halyqtyq IPO baǵdarlamasynyń resmı saıty.

«Qazaqstannyń júk vagon parkiniń iri operatoryna arnalǵan strategııalyq qujat birinshi ret ázirlendi», - deıdi kompanııa.

QTT-nyń 2012 jylǵy saýda-sattyq kólemi 98,5 mlrd teńge bolǵan.
Boljamdy tsıfrlar temirjol baǵyttarynyń barlyq túrleri boıynsha (ishki, ımporttyq, eksporttyq jáne tranzıttik) kompanııa qyzmetterin paıdalanatyn maqsatty toptardy eskere otyryp jasalǵan.
«Qaztemirtrans» «Halyqtyq IPO» baǵdarlamasy aıasynda aktsııalaryn ornalastyrý josparlanyp otyrǵan memlekettik kompanııalar tizimine kiredi. Kompanııa 63 000 júk vagondaryna ıelik etedi.