2014 jyly Qazaqstanda JKO-ǵa qatysqan 30 myńǵa jýyq kólik tirkeldi
Byltyr respýblıka boıynsha 20 378 jol-kólik oqıǵasy (JKO) tirkelip, onda 2,5 myń adam qaza boldy.
«Apat qaýpi eń joǵary Almaty qalasynyń joldary bolyp otyr, onda adamdardyń opat bolýy men jaraqat alýyna sebepker bolǵan 5 588 JKO oryn aldy, sondaı-aq Ońtústik Qazaqstanda - 3 370, Almaty oblysynda - 1 834, Shyǵys Qazaqstanda - 1 463 jáne Jambyl oblystarynda 1 293 osyndaı JKO bolǵan. Atalǵan jol oqıǵalaryna 29 219 kólik quraldarynyń qatysy bolǵan, onyń ishinde 25 574-i jeńil avtokólikter, 1 124-i avtobýstar, 1 042-si júk kólikteri. Osy kólikterdiń jalpy sanynyń 1 139-y oń jaq róldi avtokólikter», - delingen komıtet derekterinde.
Statıstıka kórsetip otyrǵandaı, jol apattarynyń sebepteri ózgerissiz kúıinde qalyp otyr. Burynǵysynsha, JKO kóbinese Jol qozǵalysy erejelerin óreskel buzatyn júrgizýshilerdiń kinásinen oryn alýda. Máselen, ótken jyly júrgizýshilerdiń kinásinen 18 923 jol apaty bolǵan.
Degenmen, 2013 jylmen salystyrǵanda JKO sany 14 paıyzǵa azaıǵanyn jáne onda qaza bolǵan adamdardyń sany 15 paıyzǵa tómendegenin atap ótken jón.